Frutat janë ushqimet perfekte për organizmin. Ato janë të lehta për t’u tretur dhe na furnizojnë me energji.

Përfshirja e një varieteti frutash në dietë, krijon mundësinë e përfitimit të një shumëllojshmërie të mineraleve, antioksidantëve dhe fito-ushqyesve. 

Funksionet e tyre të shumta përfshijnë luftimin e gripit, ruajtjen nga inflamacioni dhe rritjen e shkëlqimit për lëkurën dhe flokët. 

Në vend të një tosti apo omelete për mëngjes, kombinoni këto fruta dhe pasuroni dietën e shëndetin tuaj!

 

Pjata antinflamatore: Qershi, Ananas dhe Boronica

 

 

Ananasi është i mbushur me vitaminë C dhe përmban një enzimë të quajtur bromelain që redukton inflamacionin e zorrëve, rrit funksionin imunitar dhe stimulon tretjen e proteinave.

Kombinojini me boronica, që janë të pasura me antioksidantë dhe vitaminë A, C dhe E. 

Anthocyanin është antioksidanti kryesor që gjendet në boronica dhe qershi, dhe është ai që i jep frutave ngjyrat e tyre të mrekullueshme blu dhe të kuqe.

 

Pjata për forcimin e imunitetit: Grejpfrut, Kivi, Luleshtrydhe

 

 

Kivi është i pasur me vitaminë C, e cila ndihmon në mbështetjen e sistemit imunitar dhe parandalon dëmet nga radikalet e lira, që mund të krijojnë inflamacion.

Grejpfruti dhe luleshtrydhet janë gjithashtu disa nga ushqimet me përmbajtjen më të lartë të vitaminës C, që ndihmojnë në forcimin e imunitetit dhe luftimin e sëmundjeve.

Të pasura në të dyja vitaminat A dhe C, farat e luleshtrydhes përmbajnë gjithashtu minerale që mbështesin funksionin imunitar.

 

Pjata e antioksidantëve: Fik, Rrush i kuq, Shegë

 

 

Këta 3 fruta janë të pasur në antioksidantë dhe komponentë që luftojnë sëmundjet, duke mbrojtur trupin nga radikalet e lira.

Rrushi i kuq përmban sasi të larta të lutein dhe zeaxanthin, që forcojnë shikimin dhe minimizojnë efektet e dëmshme të rrezeve ultraviolet.

Fiku është i pasur në minerale që përfshijnë kaliumin, kalciumin, magnezin, hekurin dhe është burim i shkëlqyer i vitaminave A, E dhe K.

Shega përmban nivele të larta të antioksidantëve dhe ndihmon në mbrojtjen e lëkurës nga radikalet e lira. 

 

Pjata e detoksifikimit: Mana Goxhi, Shalqi, Limon

 

 

Shalqiri përmban 92% ujë dhe një agjent detoksifikues të quajtur glutathione.

Është gjithashtu burim i vitaminave A dhe C, të cilat ndihmojnë në detoksifim dhe luftim të radikaleve të lira.

Limoni ka cilësi antibakteriale dhe antivirale. Ndihmon në pastrimin e trupit dhe nxit mirëfunksionimin e sistemit të tretjes.

Manat Goxhi janë një burim i pasur i antioksidantëve, vitaminave (A, B, C dhe E), hekurit dhe kolinës, për të cilat mëlçia ka nevojë në proceset e detoksifikimit.

 

Pjata e bukurisë: Manaferra, Papaja, Pjepër

 

 

Papaja është plot me antioksidantë dhe ushqyes që ndihmojnë në prodhimin e kolagjenit.

Ajo gjithashtu përmban një enzimë të quajtur papain që ndihmon në mbrojtjen e lëkurës.

Manaferrat e shijshme kanë sasi të ulëta të sheqerit dhe janë të mbushura me antioksidantë e vitamina A, C.

Pjepri përmban beta-karoten, i cili konvertohet në vitaminë A në trup dhe ndihmon që lëkura të shkëlqejë dhe flokët të jenë të fortë dhe me shkëlqim.

 

Pjata e energjisë: Banane, Avokado, Mollë

 

 

Bananet na sigurojnë energji të shpejta dhe janë një zgjedhje e shkëlqyer për vaktin para stërvitjes.

Yndyrnat e mira në avokado ngadalësojnë tretjen dhe janë të mira për t’u përfshirë në vaktin pas stërvitjes.

Mollët janë të pasura në fibra dhe krijojnë ndjesinë e plotësisë për periudha të gjata kohore. 

 

Burimi i artikullit: healthline.com