Salca Beshamel, e njohur gjithashtu si salca e bardhë, përgatitet nga roux (ru – gjalpë dhe miell) në ngjyrë të bardhë dhe qumësht.

Që prej shekullit të XVII-të konsiderohet një nga salcat “nënë”, me të cilat krenohet kuzhina franceze. 

Ajo emërtohet kështu sepse përdoret si bazë për salcat e tjera (sic është salca Mornay, që përbëhet nga Beshamel me djathë, dhe salca Soubise).

Balsamell ose Besciamella është ekuivalenti italian i Beshamelit francez: një salcë shumë e thjeshtë që përgatitet me përzierjen e miellit, gjalpit dhe qumështit.

Image result for bechamel sauce

Burimi: Tesco Real Food

Salca u përgatit për herë të parë në periudhën e rilindjes në Toskanë dhe njihej si “Salsa Colla ose Colletta” –  e cila përkthehet “salcë ngjitëse”, për shkak të konsistencës ngjitëse të salcës.

Më vonë, ajo u soll  në Francë nga kuzhinierët e Catherine de’ Medici në vitin 1533.

Louis de Béchamel, Markezi i Nointel, ishte një oborrtar francez i cili mbante postin e nderit si kryeshef kuzhine i mbretit diell – Louis XIV.

Related image

Burimi: mamie-caloo.eklablog.com

Salca e trashë e bardhë u shpik nga, dhe kështu u emërua pas, Louis de Béchamel.

Ajo u bë mjaft popullore në librat italian të gatimit nën emrin “salsa colla”, por u riemërua shumë më vonë në librin e chef François, botuar më 1651 nga François Pierre La Varenne, shef kuzhine i markezit francez Nicolas Chalon du Blé.

Burimi: historybytheplate.com

Në fillim, salca ishte një velouté vitale, me një sasi të madhe të shtuar të kremit.

Një recetë që u botua në vitin 1749 solli dy versione të reja të salcës; një modern dhe një tradicional.

Receta tradicionale përgatitej duke shkrirë gjalpë në një tigan, dhe më pas duke skuqur lëkurën e qepës dhe rrënjët e perimeve, qepë të gjelbër, dhe majdanoz në të.

Pas gatimit, shtohet krem, bashkë me kripë, piper të zi të trashë dhe arrëmyshk. Më pas ziehet dhe shërbehet me gjalpë shtesë.

Receta moderne përfshin gjithashtu skuqjen e lëkurës së qepëve, majdanozit dhe rrënjët e perimeve në gjalpë, duke shtuar krem, kripë, piper të zi dhe arrëmyshk, por më pas i shtohet majdanoz dhe shërbehet pa kaluar në procesin e zierjes.

 

Receta 

Ky version i salcës përdoret kryesisht në recetat e lazanjës Bolonjeze dhe lazanjës me Pesto.

Ajo mund të ruhet në frigorifer deri në 3 ditë. Ringroheni në një tenxhere me zjarr të ulët, duke shtuar qumësht sipas konsistencës. 

Përbërësit

  • 3 gota qumështi me yndyrë të ulët (2%)
  • 4 lugë gjellë gjalpë pa kripë
  • 1/4 filxhan miell
  • 1 lugë çaji kripë e imët
  • Piper i bluar i freskët (të bardhë ose të zi)
  • Majë luge arrëmyshk

 

Përgatitja

  1. Vendosim qumështin për t’u zier në një tenxhere të mesme mbi nxehtësi mesatare. Më pas e heqim nga nxehtësia.
  2. Shkrijmë gjalpin në një tigan me nxehtësi mesatare.
  3. Shtojmë duke përzier miellin, dhe e gatuajmë për 2 minuta.
  4. Gradualisht shtojmë qumështin e nxehtë, duke përzier vazhdimisht për të shmangur kokrrizimin dhe djegien.
  5. Gatuajmë salcën për 10 deri në 13 minuta, duke e përzier shpesh, deri sa të trashet mjaftueshëm për të mbuluar pjesën e pasme të një luge.
  6. Provoni pak dhe shtoni kripë, piper dhe arrëmyshk sipas shijes. Më pas e heqim nga nxehtësia.

 

 

Burimi i artikullit: whatscookingamerica.net