Shpesh, përbërësit kryesorë të sallatës janë gjethet e gjelbra, marulet ose perimet. Të kombinuara me një shumëllojshmëri të mbushjeve, salcave dhe vajrave ato shndërrohen në elementë kryesorë të një diete të ekuilibruar.

Ju mund të shtoni pothuajse çdo lloj ushqimi apo produkti në sallatë, që mendoni se i shton shijen apo i përputhet preferencave dhe stilit tuaj të ushqyerit.

Në artikullin më poshtë ju sugjerojmë të provoni veçanërisht disa përbërës, të cilët renditen si më të ushqyeshëm se të tjerët dhe shumë të lehtë për t’u shtuar.

Perime – të prera dhe të papërpunuara

Sallatat tipike që jemi mësuar të përgatisim nisin pikërisht me perime të papërpunuara, si marule, spinaq, ose rukola.

Disa produkte shtesë që mund të përfshini në këtë kategori janë karrota, qepa, kastraveci, selinoja, kërpudha dhe brokoli.

Variety Of Raw Vegetables
Burimi: Web MD Health

Këto perime janë të mbushura me fibra dhe komponentë bimorë, që ofrojnë përfitime shëndetësore.

Në një studim në 422 të rritur u zbulua se me konsumin e shpeshtë të perimeve të papërpunuara, që përfshijnë karrota, marule, spinaq dhe kastravec, personat zhvillonin shëndet më të mirë mendor dhe kishin humor të mirë.

Arra dhe fara

Ky grupim përfshin fistikë, arra, fara kungulli, bajame, kikirikë dhe fara chia. Të gjitha janë shumë të shijshme, por dhe shumë të shëndetshme!

Benefits of Walnuts
Burimi: Web MD Health

Rreth 28 gr fara kungulli përmbajnë 5 gr proteina dhe afërsisht 20% të vlerës së përditshme për zinkun.

Zinku dallohet për ndikimin pozitiv që ka në shërimin e plagëve, sintezën e proteinave dhe ADN-së, dhe ndihmon balancimin e reagimit të trupit ndaj infeksioneve duke parandaluar inflamacionin.

Kur blini arra ose fara për t’i shtuar në sallatë apo pjata të tjera që përgatisni, kërkoni varietetet e papërpunuara ose të thata, pa kripë, sheqer ose konservues.

Fruta të Thata

Nëse po kërkoni kombinuesin perfekt për një sallatë të shijshme, atëherë shtoni fruta të thata!

Provoni frutat e thata të boronicës së kuqe, kajsisë, mangos ose rrushit të thatë. Ato shtojnë një ëmbëlsi në sallatë dhe janë gjithashtu shumë ushyese.

Dates in a White Bowl
Burimi: Web Md Health

Nëse do të përdorni kajsi të thata, një sasi prej 28 gramësh përmban 20% të vlerës së përditshme për vitaminë A. 

Vitamina A ka një rol shumë pozitiv në mirëfunksionimin e sistemit imunitar, shikimit dhe në rritjen e qelizave.

Për të shmangur sheqernat dhe konservantët, shikoni për fruta të thata që kanë të listuar vetëm fruta në listën e përbërësve (nëse po i blini të paketuar).

Ju gjithashtu mund t’i përgatisni ato vetë duke i prerë frutat tuaja të preferuara në pjesë të holla dhe t’i piqni në furrë në temperaturën 121°C për 2-3 orë.

Drithëra

Disa kokrra të njohura drithërash janë shumë të përdorshme në kombinimin e sallatës dhe ato përfshijnë grurin, orizin kaf, elbin dhe quinoa.

Këto kokrra shtojnë shije dhe aromë në sallatën tuaj. Ato gjithashtu sigurojnë fibra dhe proteina, që ndihmojnë të ndjeheni të ngopur dhe të kënaqur pas ngrënies.

Për më shumë, studimet e lidhin konsumimin e grurit me humbjen në peshë dhe arritjen e niveleve të ulëta të kolesterolit në organizëm.

quinoa
Burimi: HealthLine

Fasule dhe bishtajore (legume)

Fasulet dhe bishtajoret janë burime fantastike të proteinave bimore.

Ato përmbajnë një gamë të gjerë të komponentëve bimorë që luftojnë kancerin, të njohura si Izoflavon dhe Fitosterol.

Gjithashtu, falë pranisë së fibrës së tretshme, fasulet ndihmojnë në kontrollin e kolesterolit në gjak.

Në një filxhan prej 172 gr fasulesh mund të sigurohen mbi 15 gr proteina, përveç vlerave të pranishme dhe shumë të mira të vitaminave, mineraleve e fibrave.

Ju mund të përdorni fasule të konservuara ose t’i përgatisni ato vetë në sallatat që do të përgatisni.

Four Bowls of Beans
Burimi: HealthLine

Fruta të freskëta

Edhe pse sallata zakonisht mendohet si një kombinim i perimeve, frutat e freskëta e bëjnë atë shumë të shijshme dhe e plotësojnë me përfitime shëndetësore.

pear recipes for fall
Burimi: HealthLine

Një studim në më shumë se 800 të rritur zbuloi se çdo pjesë e frutave të konsumuar në ditë shoqërohej me një reduktim prej 10% në rrezikun e zhvillimit të sëmundjeve të zemrës.

Fruta të freskëta që mund të shtoni në sallatën tuaj janë manaferrat, mollët, portokallet, dardhat dhe qershitë.

Mund të përdorni gjithashtu fruta të shtypur ose lëngje frutash për salcat shoqëruese.

Vezë të ziera 

Burimi: HealthLine

Vezët janë përbërës shumë të shëndetshëm për t’u shtuar në sallatë dhe nuk përmbajnë karbohidrate apo sheqerna.

Një vezë siguron afërsisht 6 gr proteina dhe më shumë se 15 gr vitamina dhe minerale për vetëm 77 kalori. Një vakt i mbushur me proteina është furnizues fantastik i energjisë mendore dhe fizike.

E verdha e vezës përmban Choline, që nxit aktivitetin normal të qelizave, aktivitetin e mëlçisë dhe transportin e vlerave ushqyese në organizëm.

Avokado 

Avokadot janë të pasura me ushqyes që përmirësojnë shëndetin e zemrës dhe sigurojnë vlera për një plakje të shëndetshme, siç janë fibra, kaliumi, vitamina C dhe vitamina K.

Ju mund të shtoni pothuajse në çdo sallatë feta avokadosh të prerë ose të përdorni guacamole.

Për të bërë guacamole – pure avokadoje, shtypni avokado derisa të formohet një masë e trashë dhe i shtoni qepë, hudhër dhe lëng limoni.

Benefits of Avocado
Burimi: HealthLine

Fruta deti 

Shtimi i frutave të detit në sallatë rrit vlerat ushqyese dhe shijen e saj, duke krijuar një pjatë me aromë dhe shije të freskët.

Ju sugjerojmë të shtoni peshk salmon, karkaleca, karavidhe ose sardele.

Shrimp on a Wooden Platter
Burimi: HealthLine

Ato janë burime të pasura me proteina, acide yndyrore omega-3, vitamina dhe minerale.

Studimet tregojnë se ngrënia e peshkut dhe produkteve të detit është shumë i mirë për shëndetin e zemrës dhe mirëfunksionimin e trurit.

Mënyrat më ushqyese për të përgatitur fruta deti për sallatë janë pjekja ose gatimi i tyre në skarë, duke patur kujdes në sasinë e vajit që përdorim.

Burimi i artikullit: HealthLine