Në ditën ndërkombëtare të gruas ju sjellim një artikull mbi vitaminat esenciale që i nevojiten femrave. 

Për të qenë të shëndetshme, shpesh nuk mjafton të ushqyerit me një dietë të balancuar. 

Për të plotësuar mungesat e disa vlerave ushqyese, është e nevojshme të përfitohen disa vitamina.

Më poshtë po rendisim një listë të shkurtër të vitaminave të nevojshme për t’u konsumuar nga gratë dhe vajzat, dhe ku mund t’i ato gjeni në ushqime. 

 

Antioksidantët

 

Ky grup përfshin vitaminën A (retinol, beta karoten dhe karotenoid), vitaminën C dhe vitaminën E. 

Ato mbrojnë trupin nga radikalet e lira, të cilat mund t’i shkatërrojnë qelizat.

Antioksidantët mund të ulin rrezikun e disa problemeve shëndetësore dhe plakjen e ngadaltë.

Disa studiues mendojnë se ndihmojnë në nxitjen e funksionimit të sistemit imunitar dhe mbrojtjen e trupit tuaj nga bakteret.

 

Beta karoten

Trupi e shndërron atë në vitaminën A, një lëndë ushqyese që ndihmon shikimin, indet e buta dhe lëkurën.

Ju do ta gjeni në kajsi, pjepër, karrotë, gjethe lakre (kale), papaja, pjeshkë, kungull dimri, speca të kuq, spinaq dhe domate.

 

The Ultimate Guide to Beta-Carotene Benefits for Better Health

 

Burim i fotos: Pinterest

 

Vitamina C

Ndihmon në shërimin e plagëve dhe në prodhimin e qelizave të kuqe të gjakut.

Gjithashtu rrit nivelet e kimikatit noradrenaline në tru, që ju ndihmon të ndiheni më të vëmendshme dhe të përforconi përqëndrimin.

Mund ta përfitoni duke konsumuar brokoli, grejpfrut, kivi, portokall, speca, patate, luleshtrydhe dhe domate.

 

Did you know that Vitamin C is required for the growth, development and repair of body tissues, beneficial for stress-induced weakened immune systems, and a strong source of Antioxidants? So, are you getting your fair share of Vitamin C? If not, check out @meowmeix list of Vitamin C rich foods. Bet you didn’t realise these have more Vitamin C than an orange! 🍊🌟 . . . . . . #nutrition #food #health #nutrients #fruit #veg #healthylifestyle #asnfuelled #fuelyourself

Burim i fotos: Pinterest

 

Vitamina E

Trupi ka nevojë për vitaminë E që të mbajë të shëndetshme qelizat.

Gjithashtu mendohet se mund të ngadalësojë shenjat e plakjes.

Mund ta merrni në ushqime si vaj misri, lajthi, gjalpë kikiriku, vaj safflower (një bimë e ngjashme me gjembaçin – Carthamus tinctorius, që kultivohet në Indi) dhe fara luledielli.

 

Grupi i vitaminave B

 

Vitamina B6, B12 dhe acidi folik janë veçanërisht të rëndësishme për gratë.

Vitamina B6 është e nevojshme për trurin që të funksionojë mirë dhe ndihmon trupin të shndërrojë ushqimin në energji.

Ajo mund të jetë toksike nëse merret shumë sasi brenda një konsumi, kështu që më e mira është ta përfitoni përmes ushqimeve që e përmbajnë.

E gjeni në peshk, patate, qiqra, avokado, banane, fasule, drithëra, mish dhe bollgur (tërshërë).

 

Vitamin B6

Burim i fotos: Pinterest

 

Vitamina B12 është gjithashtu e rëndësishme për metabolizmin dhe ndihmon trupin të prodhojë qeliza të kuqe të gjakut.

Mund ta merrni nga djathi, veza, peshku, mishi, qumështi dhe kosi.

Të rriturit e moshuar, njerëzit me anemi, veganët dhe vegjetarianët duhet të konsultohen me një mjek për t’u siguruar që marrin mjaftueshëm B12.

 

Acidi folik ndihmon në zhvillimin e shëndoshë të trurit dhe palcës kurrizore.

Ai gjithashtu prodhon ADN dhe ARN, blloqet ndërtuese të qelizave, dhe parandalon ndryshimet në ADN që shkaktojnë kancer.

Veçanërisht i rëndësishëm është për gratë shtatzëna, sepse ndihmon në parandalimin e defekteve të lindjes si spina bifida.

Ushqime me sasi të larta të acidit folik përfshijnë spinaq dhe perime me gjethe, shparg, agrume, pjepër, luleshtrydhe, legume, qiqra, fasule të zeza dhe vezë.

 

Vitamina D

 

Quhet vitaminë, por në të vërtetë funksionon si hormon.

Ajo ndihmon në shpërndarjen në gjak të kalciumit dhe fosforit – minerale të rëndësishme për zhvillimin e kockave të forta.

Ju mund të merrni vitaminë D nëse hani vezë dhe peshk, sidomos salmon, peshkun skumbër dhe sardele. 

 

The greatest source of vitamin D for people not taking supplements is the sun – but is it enough to meet your body’s requirements? #SunshineVitamin #VitaminD #VitaminDSources

Burim i fotos: Pinterest

 

Vitamina K

 

Luan rol të rëndësishëm në fortësinë e kockave dhe ndihmon në mpiksjen e gjakut.

Burimet më të mira ushqimore përfshijnë perimet me gjethe jeshile, vaji i sojës, brokoli, jonxha (bima alfalfa), spinaqi i gatuar dhe vaji i peshkut.

 

 

Burimi i artikullit: WebMD